Fróðleikur


Ungbarnasund má hefja þegar barn hefur náð 4 kg og nafli er gróinn.
Algengasti aldur byrjenda er 3-6 mánaða en börn geta byrjað allt niður í 2 mánaða aldur og það er aldrei of seint að byrja.

 

Kostir ungbarnasunds:

  •  Ungbarnasund örvar hreyfiþroska barna og styrk.

  •  Ungbarnasund 1–2 í viku stuðlar að betri svefni, matarlyst og  betra skapi (á því tímabili sem sundið er stundað).

  •  Barnið verður öruggt í vatni og lærir að bera virðingu fyrir  því.

  •  Ögrandi umhverfi sem örvar skynfæri barnsins og hækkar  streituþröskulda.

  •  Sundið getur fyrirbyggt vatnshræðslu og drukknanir seinna á  lífsleiðinni.

  •  Eykur sjálfstraust barns.

  •  Börn sofa almennt vel eftir sundtímana.

  •  Styrkja tengsl barns og foreldris – 40 mínútur af skin-to-skin  tíma.

  •  Foreldrar verða öruggari með börnin í vatni og læra að þekkja  mörk barnsins og þarfir þess í vatni.

 

Köfun


Köfunarviðbragðið er eitt af þeim ósjálfráðu varnarviðbrögðum sem við fæðumst með.

Köfunarviðbragðið lýsir sér þannig að þegar vatn kemst í snertingu við andlit eða öndurfæri barns þá lokast öndunarfærin.

Köfun er stór hluti af ungbarnasundsnámskeiðunum en með því að æfa köfun þá læra börnin að halda niður í sér andanum og um leið og þau fá merki frá foreldi um að þau séu að fara í kaf. Mikilvægt er þó að viðhalda æfingunum svo hæfnin tapist ekki aftur.